Ծաղկաձոր «Մարիոթ» Հոթելը բացվել է 2012 թ-ի դեկտեմբերին: Հյուրանոցը փորձում է կոտրել ծաղկաձորյան սեզոնային բիզնեսի վերաբերյալ ձեւավորված կարծրատիպը, այն ներառում է լիարժեք ընտանեկան հանգստի համար անհրաժեշտ բոլոր ենթակառուցվածքները տարվա բոլոր եղանակների համար և համապատասխանում է բոլոր միջազգային ստանդարտներին: Շենքի ճարտարապետությունը եւ դիզայնը արվել են Եվրոպայից և ԱՄՆ-ից հրավիրված Մարիոտի մասնագետների կողմից` հայ մասնագետների մասնակցությամբ: Հյուրանոցային համալիրի հիմնական շենքում կան 65 համարներ, ինչպես նաեւ 7 վիլլաներ` յուրաքանչյուրում 5-ական սենյակ: Հյուրանոցի բոլոր համարներն ապահովված են Wi-Fi կապով, որի համար Հրազդանից Ծաղկաձոր առանձնացված ինտերնետային մալուխ է բերվել: Ծաղկաձոր Մարիոտի բոլոր սենյակները ապահովված են նաեւ արբանյակային հեռուստատեսությամբ եւ միջազգային հեռախոսակապով: